Мүдделі тараптармен өзара іс-қимыл
GRI 2-26GRI 2-29«Кселл» АҚ барлық мүдделі тараптардың мүдделері мен үміттерінің маңыздылығын мойындайды және олармен өзара іс-қимыл тиімділігін арттыруға ұмтылады. Компанияның мүдделі тараптармен қарым-қатынастары ашықтық, сенім және өзара құрмет қағидаттарына негізделген. Компания мүдделі тараптардың сұрауларына жауап беру және жедел режимде кері байланысты қамтамасыз ету арқылы олардың мүдделерін қорғайды. Өзара іс-қимылдың негізгі арналары – корпоративтік есептілік, хат алмасу, Компанияның веб-сайты, форумдар мен әлеуметтік желілер, БАҚ-тағы жарияланымдар, Kcell/activ мобильді қосымшасы, «Самұрық-Қазына» ҰӘҚ» АҚ жедел желі телефоны.
|
Мүдделі тараптар |
Үміттер |
Өзара іс-қимыл процесі |
|---|---|---|
|
Клиенттер |
Қолайлы бағамен сапалы қызмет көрсету, дербес деректерді қорғау |
Маркетингтік зерттеулер жүргізу, кері байланыстың алуан түрлері |
|
Жеткізушілер |
Ұзақ мерзімді серіктестік қатынастарды сақтау, іскерлік әдепті ұстану |
Сатып алуды ашық режимде жүргізу, іскерлік кездесулер мен кеңестер беру |
|
Мемлекеттік органдар |
Заңнаманы сақтау, бюджетке төленетін төлемдердің ұлғаюы, мемлекеттік даму бағдарламалары аясындағы тиімді іс-әрекет |
Өтініштер, қадағалау органдарының тексерулері, кездесулер өткізу |
|
Акционерлер мен инвесторлар |
Компанияны дамыту, корпоративтік басқаруды дамыту, алға қойылған міндеттерді тиімді жүзеге асыру, табыстылық пен қаржылық тұрақтылықты қамтамасыз ету |
Есептілікті дайындау және жариялау, кездесулер, бірлескен талқылаулар өткізу |
|
Ұжым |
Жақсы еңбек жағдайларын қамтамасыз ету, еңбекақыны уақтылы төлеу, әлеуметтік пакет, мансаптық өсу мүмкіндіктері |
Ішкі корпоративтік өзара іс-қимыл, жұмыскерлердің құқықтары мен мүдделерін қамтамасыз ету, еңбек жағдайларын жақсарту |
|
БАҚ, жұртшылық |
Ақпаратты ашу, айқындық |
БАҚ сауалдарына жауап беру, PR және маркетингтік іс-шараларды өткізу |