Персоналды дамыту

Қызметкерлердің біліктілігін үнемі арттыру және олардың кәсіби өсуі – бизнесті дамытудың маңызды шарттары. Компания қызметкерлерді ішкі және сырттай оқытуды ұйымдастырады.

2024 жылы қызметкерлерді сырттай оқытуға жұмсалған жиынтық шығындар 68 248 417,50 теңгені құрады. Компанияда сырттай күндізгі оқудан, оның ішінде еңбекті қорғау, қауіпсіздік техникасы, өрт және электр қауіпсіздігі және т.б. бойынша міндетті оқытудан Компания қызметкерлерінің 4769 өтті, 1 қызметкерге орташа оқу уақыты 7 сағатты құрады. Сырттай қашықтықтан оқыту платформаларында (Eduson, iSpring, GoPractice) 2024 жылы 2483 қызметкер өтті, 1 қызметкерге орташа оқу уақыты 8 сағатты құрады.

Компанияда ішкі оқыту Kсell Корпоративтік университетінің базасында жүргізіледі. 2024 жылы жалпы алғанда 128 ішкі тренинг өткізілді, оларға 2300-ден астам қызметкер қатысты. Қатысушылардың тренингтерге қанағаттануының жоғары деңгейін атап өткен жөн: қатысушылардың 90%-дан астамы тренингтерге оң баға берді.

2024 жылы жаңа қызметкерлерді бейімдеу үшін негізгі маңызды тақырыптарды қамтитын онлайн-онбординг бағдарламасы әзірленіп, енгізілді. Бұл бастама компаниядағы  алғашқы жұмыс күндерінде компания туралы ең маңызды ақпарат бере отырып, компанияға «жаңадан келгендерді» енгізу процесін жеңілдетті.

2024 жылы Kcell жаңа басшыларын бейімдеу және басқарушы қызметкерлерінің әлеуетін дамыту үшін басшыларға арналған «PRO менеджері» ішкі корпоративтік бағдарлама іске қосылды. Бағдарлама басқарушылық құзыреттілікті дамытады, компанияның негізгі бизнес-процестері туралы білімді арттырады, жеке тиімділікті арттыруға және жаңа басшыларды сәтті бе­йімдеуге ықпал етеді. 2024 жылы бағдарлама бойынша 27 компания басшысы оқудан өтті. Бағдарлама тұрақты негізде жұмыс істейді. Басшыларды оқытудан басқа бұл бағдарлама компания үшін тағы бір міндетті шешеді: бағдарлама шеңберінде ішкі жаттықтырушылар мен спикерлер ретінде қатысатын компания сарапшыларының жаттықтырушылық құзыреттерін дамыту.

Жалпы, компанияда қызметкерлер қатарынан ішкі тренинг-серіктестерді даярлау бағыты дамуда, бұл қатыстыруды арттыру және корпоративтік мәдениетті дамыту факторы болып табылады.