Компанияның даму келешегін бағалау (SWOT-талдау)

GRI 2-6

SWOT-талдау – бұл компанияның даму келешегін көрнекі түрде бағалауға мүмкіндік беретін әмбебап стратегиялық жоспарлау құралы. SWOT-талдауды жүргізу кезінде ұйымға әсер ететін сыртқы және ішкі факторлар анықталады, олар төрт топқа бөлінеді: күшті жақтар (Strengths), әлсіз жақтар (Weaknesses), мүмкіндіктер (Opportunities) және қауіптер (Threats).

«Кселл» АҚ-ның даму келешегін SWOT-талдауы

ішкі факторлар

Күшті жақтар (Strengths)

Компания қазақстандық телекоммуникациялық қызметтер нарығындағы басым ойыншылардың бірі;
Компания 5G жиіліктеріне лицензияның иегері болып табылады, Қазақстанда 5G жаңа буын желілерін дамытады;
Клиентке бағытталған ритейл: Kcell дүкендерінің күрделі дизайны цифрлық платформалармен синхрондалады, бұл пайдаланушылардың жалпы қатысуын арттырады;
Озық технологиялар мен инновацияларды пайдалану ұсынылатын қызметтердің сенімділігі мен сапасының жоғары деңгейін қамтамасыз етеді;
Цифрлық шешімдерді дамыту (дата-орталықтар, бұлтты технологиялар, IoT, Big Data);
Компанияда корпоративтік басқарудың үздік тәжірибелері енгізілген, өндірістік және бизнес-процестер жөнге салынған;
Саладағы көп жылдық табысты жұмыс тәжірибесі Компанияға мықты оң беделді қалыптастыруға мүмкіндік берді;
Персоналдың біліктілік деңгейі жоғары;
Кадр саясаты икемділігімен ерекшеленеді, қызметкерлер еңбегі үшін лайықты сыйақы алады;
Компанияда корпоративтік этика мәдениеті дамыған, қызметкерлерді оқыту жүйелі түрде жүргізіледі;
Компанияда ішкі бақылау мен аудиттің тиімді жүйесі бар;
Компанияда сыбайлас жемқорлыққа қарсы ішкі нормативтік құжаттар енгізілген, сыбайлас жемқорлыққа қарсы тұрақты мониторинг және сыбайлас жемқорлық тәуекелдеріне ішкі талдау жүргізіледі;
Компанияда Тәртіп кодексінің кез келген бұзушылықтары, соның ішінде сыбайлас жемқорлық, кемсітушілік, әдепсіз мінез-құлық және басқа да бұзушылықтар туралы хабарлауға болатын жедел желі жұмыс істейді.

Әлсіз жақтар (Weaknesses)

Телекоммуникация саласының қарқынды технологиялық дамуы жабдықтар мен бағдарламалық жасақтаманы жаңартуға үлкен көлемдегі инвестицияларды қажет етеді;
Бюрократиялық рәсімдердің күрделілігі;
Нормативтік-құқықтық базаның жетілмегендігі тарифтік саясаттың икемділігін шектейді және пайданың төмендеуіне әкелуі мүмкін;
Барлық ықтимал тәуекелдердің алдын алудың мүмкін еместігі.

Сыртқы факторлар

Мүмкіндіктер (Opportunities)

Тарифтерді белгілеудің икемдірек тәсілі;
Клиенттерге ұсынылатын қызметтер тізбесін әртараптандыру;
Өндірістік процестерді жетілдіру және стандарттау бойынша алдағы шаралар;
Тиімді диалог құру арқылы тұтынушылармен тығызырақ байланыс орнату;
Технологиялық инновациялар және автоматтандыру, жасанды интеллект мүмкіндіктерін қолдану.

Қауіптер (Threats)

Интернет-мессенджерлер мен әлеуметтік желілерді пайдалануға көшу нәтижесінде көрсетілетін дауыстық ұялы байланыс қызметтері көлемінің төмендеуі;
Клиенттердің алдын ала төленген тарифтік жоспарлардан бас тартуы;
Заңнамалық өзгерістердің тарифтік саясатқа теріс әсері;
Жосықсыз жеткізушілер мен мердігерлердің шарттық міндеттемелерді бұзуы;
Саяси немесе экономикалық жағдайдың өзгеруі;
Технологиялық қауіптер және киберқауіптер.